Azərbaycan idmanının uğurlu döyüşçülərindən sayılan Tofiq Musayev bu gün UFC-də debüt edəcək. O, mötəbər idman tədbirindəki ilk döyüşünü Miktibek Orolbaya qarşı keçirəcək.
Təmsilçimiz Bakı şəhərinin Sahil qəsəbəsində dünyaya gəlib. O, 2013-cü ildə MMA-dakı debüt döyüşünə Azərbaycanda çıxıb, erkən karyerasında 3-3-lük nəticə ilə mübarizəyə başlayıb. Yaponiyanın “Rizin” təşkilatına keçməzdən əvvəl Rusiyada, Ukraynada və Türkiyədə çıxış edərək texnikasını və gücünü inkişaf etdirib.
“RIZIN Fighting Federation” (2018–2021)
• “RIZIN 14”də Nobumitsu Osava üzərində TKO ilə qələbə;
• 2019-cu ilin Yüngül Çəki Qran-prisinin qrup mərhələsində Damyen Braun üzərində TKO (kəllə zərbəsi və yumruq);
• Conni Keys üzərində parlaq qələbə;
• Finalda Patriki “Pitbull” Freyrə də qalib gəlib və “RIZIN” Qran-prisinin çempion titulunu qazanıb.
• 2021-ci ilin iyununda “RIZIN” çempionluğu uğrunda döyüşdə Roberto de Souzaya submisiya ilə uduzub;
• 2022-ci ildə “Bellator”la müqavilə imzalayıb, Sidney Outlava qarşı debütündə TKO ilə 27 saniyədə qələbə qazanıb;
• Ardınca Aleksandr Şabliyə TKO ilə məğlub olub;
• 2023 iyulunda Akira Okada üzərində KO qələbəsi qazandığı "Bellator x RIZIN 2"yə qayıdıb. Daha sonra Koji Takeda üzərində KO ilə qalib gəlib.
UFC Debütü – Tarix və Şərtlər
UFC – dünyanın ən prestijli MMA arenasıdır. Burada yüksək reytinqə çatmaq üçün yalnız bir debüt döyüşü yetərli deyil, döyüşlərin səviyyəsi, rəqibin keyfiyyəti, şou qabiliyyəti və məşq bazası da önəmli rol oynayır. UFC-də uğurlu debütdən sonra Musayev dünya səviyyəsində tanınan döyüşçülər sinfinə daxil olmaq üçün çalışacaq.
Debüt: 21 iyun 2025, “UFC on ABC 8 – Baku Crystal Hall”, Bakı
Rəqib: Miktibek Orolbay (Qazaxıstan) – 75 kq çəki dərəcəsi
Stil və Güclü Cəhətlər
Tofiq Musayevin peşəkar rekordu 22:5-dir. O, bunlardan 18-də, yəni 82 faizində nakautla, 2-də submisiya ilə, 2-də isə hakimlərin qərarı ilə qələbə qazanıb.
Musayev dayanıqlılığa önəm verən döyüşçüsüdür, sürətli, partlayıcı zərbələrə sahibdir. O, Braziliya ciu-cutsusu üzrə mavi kəmər sahibidir.
Həmçinin Tofiq 2020-ci ildə İkinci Qarabağ müharibəsində ehtiyat leytenant kimi iştirak edib.
Oxşar xəbərlər
Ana səhifə
Bütün xəbərlər