Elvin Bədəlov Azərbaycan çempionatlarının yüksək dəstəsində 200-cü oyununu keçirib.

Apasport.az Peşəkar Futbol Liqasının mətbuat xidmətinə istinadən xəbər verir ki, "Neftçi"nin müdafiəçisinin yubileyi Misli Premyer Liqasının X turuna təsadüf edib.

30 yaşlı futbolçu "Kəpəz"lə ev görüşündə (5:1) forma geyinib.

O, Premyer Liqadakı 200 matçda 3 qola imza atıb. Elvinin debütü 2013/2014 mövsümündə "Neftçi"də gerçəkləşib. O, "ağ-qaralar"ın heyətində 51 (1 qol), "Sumqayıt"da 149 (2 qol) oyun keçirib.

Bədəlov turnirin tarixində 200 və daha çox matça çıxan 157-ci futbolçudur. O, buna cari mövsümdə nail olan ikinci oyunçudur.

Filip Ozobiç də "200"ü mövsümün gedişində arxada qoyub.

• Bu gün Yüksək Liqada XV turun oyunları keçiriləcək
• Maqsud Adıgözəlov: "Nəticələrdən narazıyıq, Berezutskidən yox"
• Dünyanın ən gərgin derbiləri: "Qalatasaray" - "Fənərbaxça" derbisi neçəncidir?
• Son dəqiqə: Super Liqada aşağı liqaya düşəcək ilk komanda müəyyənləşib
• Gənc avarçəkənlərimiz Qazaxıstanda 14 medal qazanıb