Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında növbəti yarış günündən sonra medal cədvəli yenilənib.

Apasport.az xəbər verir ki, hazırda turnirə Türkiyə liderlik edir. Qardaş ölkənin idmançıları 26 qızıl, 6 gümüş və 4 bürünc medal qazanaraq ümumilikdə 36 medalla birinci pillədə qərarlaşıblar.

İkinci yerdə 17 medalla Özbəkistan (4 qızıl, 9 gümüş, 4 bürünc), üçüncü pillədə isə Nigeriya (4 qızıl, 1 gümüş, 1 bürünc) yer alıb.

Azərbaycan idmançıları da uğurlu çıxışlarını davam etdirir. Təmsilçilərimiz 2 qızıl, 3 gümüş və 12 bürünc medal olmaqla ümumilikdə 17 mükafat toplayaraq medal sıralamasında 6-cı pillədə qərarlaşıblar.

Qeyd edək ki, İslam Həmrəyliyi Oyunları noyabrın 21-də başa çatacaq.

• “Milan” Nkunkunu satmağa hazırlaşır – əsas variant Səudiyyə Ərəbistanıdır
• Yeniyetmə cüdoçularımız Teplitse Avropa Kubokunda mübarizə aparacaq
• AVF rəsmisi Türkiyə klubunun oyununa təyinat alıb
• "Qalatasaray"ın yeni kapitanı bəlli oldu - Okan Burukdan açıqlama
• Tedeskodan derbi açıqlaması: "Söz verirəm ki..."