Azərbaycan Karate Federasiyasının rəhbərliyi və “KWU-WFKF” birliyinin təşkilatçılığı ilə 28 May – Respublika Günümünasibətilə full kontakt karate üzrə ümumrespublika seminarı uğurla təşkil olunub.

Apasport.az xəbər verir ki, tədbirə ölkənin müxtəlif bölgələrindən və Qazaxıstandan 400-ə yaxın karateçi qatılıb.

Seminar Azərbaycan Respublikasının Dövlət Himni ilə başlayıb və Vətən uğrunda canını fəda etmiş şəhidlərimizin xatirəsi bir dəqiqəlik sükutla yad edilib.

Seminarın praktiki hissəsi təşkilat nümayəndələri Hamlet Əlili, Rza Mustafayev, Vidadi Xəlilov, Rasim Oqniev, Anar Məmmədov və digər təcrübəli mütəxəssislərin rəhbərliyi ilə həyata keçirilib. Məşqlər zamanı iştirakçılara müxtəlif texniki və taktiki elementlər öyrədilib, yeni metodik yanaşmalar tətbiq olunub.

Tədbirin sonunda 100 -ə yaxın karateçi müxtəlif kyu dərəcələri üzrə imtahan verərək öz bilik və bacarıqlarını nümayiş etdiriblər. İmtahanlar peşəkar hakim heyəti tərəfindən obyektiv şəkildə qiymətləndirilib.

• "Qalatasaray" "Fənərbaxça" ilə oyuna 3 itki ilə çıxacaq
• “Qalatasaray”lı futbolçular Azərbaycanı Müstəqillik Günü münasibətilə təbrik ediblər - VİDEO
• "Neftçi"nin keçmiş baş məşqçisi Super Liqa klublarının radarına düşüb
• İngiltərə Çempionlar Liqasına 5 komanda göndərəcək
• "Atletiko Madrid" yeni qapıçı tapıb