Ötən mövsümün yarısında icarə əsasında "Qalatasaray"a keçən Alvaro Morata tezliklə komandadan ayrıla bilər.

Apasport.az "La Gazzetta Dello Sport"a istinadən xəbər verir ki, cəmi 4 ay "sarı-qırmızılılar"ın formasını geyinən Morata yaxın zamanda komandadan ayrılmağı düşünür.

Buna səbəb, forvardın özünü xoşbəxt hiss etməməsidir.

Xatırladaq ki, 32 yaşlı hücumçu bu ilin fevral ayında “Milan”dan İstanbul klubuna 1,5 illik icarəyə göndərilmişdi.

İspaniya millisinin üzvü bu mövsüm “Qalatasaray”ın heyətində çıxış etdiyi 16 rəsmi matçda 6 qol, 3 assistlə yadda qalıb.