UEFA Avropa Liqasının 1/8 finalının ilk matçında "Fənərbaxça" evdə "Reyncers"i qəbul edəcək. 

Apasport.az xəbər verir ki, "sarı-lacivərdlilər"in 2 futbolçusu avrokubok matçında iştirak edə bilməyəcək. 

Belə ki, Fred və Brayt Osayi Samuel sarı kart limitində olduqları üçün "Reyncers"lə matçda forma geyinə bilməyəcəklər. 

Zədəsi səbəbindən 1 aya yaxındır komandadan uzaq qalan İsmail Yüksek texniki heyət qərar verərsə, “Reyncers”lə oyun üçün heyətə qoşula biləcək.

Türkiyə millisinin üzvü sonuncu dəfə fevralın 9-da “Alanyaspor”la səfər oyununda çıxış edib və həmin matçda zədələnib.

Qeyd edək ki, "Fənərbaxça" - "Reyncers" matçı martın 6-da Şükrü Saracoğlu stadionunda keçiriləcək. Görüş Bakı vaxtilə saat 21:45-də start götürəcək. 

• Şesni “Osasuna” ilə oyunda “Barselona”ya kömək edə bilməyəcək
• Sərbəst güləşçilərimiz Avropa çempionatına Qaxda hazırlaşır
• "Seltik" azarkeşləri UEFA-dan qorxmur: Etirazlara davam
• “Araz-Naxçıvan” braziliyalı futbolçu ilə müqavilə yenilədi
• “Trabzonspor” - “Qalatasaray” matçını idarə edəcək hakim bəlli olub