“Bursaspor” Azərbaycan millisinin hücumçusu Namik Ələskərovla müqaviləsinə xitam verəcək.

Apasport.az saytının məlumatına görə, bunu Türkiyə I Liqasını tərk edən klubun prezidenti Ömər Burkan Banaz açıqlayıb.

Bu gün mətbuat konfransı təşkil edən klub rəhbəri əcnəbi futbolçularının hamısı ilə yollarını ayıracaqlarını söyləyib: “Müqaviləsi davam edən 7 əcnəbimiz var. İki gün ərzində bu məsələni müzakirə edəcəyik. “Bursaspor”un mənafeyinə uyğun ən yaxşı şəkildə onlarla müqavilələri ləğv edəcəyik”.

Qeyd edək ki, TFF I Liqasında sona bir tur qalmış “Bursaspor”un aşağı liqaya düşməsi təmin olunub. Əsasnaməyə görə, II liqada heç bir komanda əcnəbi futbolçu oynada bilməz.
 

• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI