İspaniyanın “Barselona” klubunun futbolçusu Lionel Messi hakimlərin ünvanına sərt ittihamları ilə gündəmə gəlib.

Apasport.az saytının məlumatına görə, argentinalı hücumçu La Liqanın XXIX turunun “Valyadolid”lə görüşünün (1:0) hakiminin qərəzli münasibətindən narazı qalıb.

Növbəti turda “Real”la görüşəcək “Barselona”nın kapitanı hakimin ona sarı vərəqə vermək üçün macal axtardığını hiss edib. Santyaqo Xayme Latre Messini cəzalı duruma düşməklə “Real”la matçı buraxması üçün çalışıb.

Lionel oyunun fasiləsində klub nümayəndəsi Karles Navala da bu barədə deyib: “Hakim mənə sarı vərəqə verməyi çox istəyir. Bu, inanılmazdır”.

Hakimin səylərinə baxmayaraq Messi qarşılaşmanı vərəqəsiz başa vurub. Onun komandası 90-cı dəqiqədə vurulan qolla görüşdən 3 xalla ayrılıb.
 

• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə
• Cek Qriliş məşqə gəlmədi – "Everton"dan sərt cəza