Erik Ten Haqın “Mançester Yunayted”in baş məşqçisi postuna təyinatı tezliklə rəsmiləşəcək.

Apasport.az saytının məlumatına görə, 52 yaşlı mütəxəssislə müqavilə bağlayacaq İngiltərə klubu niderlandlının hazırda rəhbərlik etdiyi “Ayaks”la danışıqlar aparır.

Tərəflər Amsterdam klubuna 2 milyon avro kompensasiyanın ödənilməsini müzakirə edir. Ten Haqın özü ilə anlaşmanın müddəti də tam razılaşdırılmayıb. Mütəxəssislə ya 3+1, y da 4 illik müqavilə bağlanılacaq.

Mütəxəssis transferlərdə klub rəhbərliyi ilə birgə qərar vermək hüququna sahib olacaq. Bu transfer səhvlərinin sayını azaltmalıdır. Mançesterlilər köməkçi məşqçi vəzifəsinə gətiriləcək Mitçell van der Qaq və Stiv Maklarenlə danışıqlara da start verib.

Qeyd edək ki, “Mançester Yunayted”i mövsümün sonunadək müvəqqəti baş məşqçi Ralf Ranqnik çalışdırır.
 

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”