Azərbaycan Premyer Liqasında VIII tura yekun vurulub.

APA-nın məlumatına görə, ikinci oyun günündə 2 matç keçirilib.

Öncə “Neftçi” və “Zirə” münasibətlərini aydınlaşdırıb. Mövsümün I dövrəsini uğursuz keçirən komandaların duelində böyükhesablı nəticə qeydə alınıb.

“Neftçi” ev oyununda rəqibini üç cavabsız qolla darmadağın edib. Bu, “ağ-qaralar”a 2-ci pilləyə yüksəlmək imkanı verib.

“Səbail” isə öz meydanında “Sumqayıt”la görüşüb. Matçın taleyi ikinci hissədə həll olunub.

Qalib gələn qonaqlar 5-ci pilləyə yüksəliblər. “Səbail” isə ardıcıl 3-cü dəfə məğlubiyyətlə üzləşib.

Qeyd edək ki, turun ilk günündə iki matç keçirilib. “Qəbələ” – “Qarabağ” və “Keşlə” – “Sabah” oyunları eyni – 1:1 hesabı ilə başa çatıb.

Azərbaycan Premyer Liqası
VIII tur
20 oktyabr (bazar)

“Neftçi” – “Zirə” – 3:0
Qollar: Dario Frederiko, 27; Baqali Dabo, 46; Stiven Monroz, 76
Hakimlər: Rövşən Rəcəbov, Zeynal Zeynalov, Cavanşir Yusifov, Rauf Allahverdiyev
Hakim-inspektor: Ceyhun Haşımov
AFFA nümayəndəsi: Eldəniz Musayev
“Bakcell Arena”, 17:00

“Səbail” – “Sumqayıt” – 0:2
Qollar: Peyman Babayi, 47, Elvin Cəfərquliyev, 90+3
Hakimlər: Rəhim Həsənov, Namiq Hüseynov, Cəmil Quliyev, Rəşad Əhmədov
Hakim-inspektor: Anar Salmanov
AFFA nümayəndəsi: Erkin Hüseynov
“ASCO Arena”, 19:30

Bombardirlər: Lorenzo Frutos ("Keşlə"), İsmayıl İbrahimli (“Qarabağ”), Stiven Monroz (“Neftçi”) - 4 qol

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb