Azərbaycan Premyer Liqasının XXVI turunda təyin olunan 2 penaltinin hər biri maraqlı məqamla əlamətdar olub.

Apasport.az saytının məlumatına görə, “Sabah” mövsümdə ilk dəfə 11 metrlik cərimə zərbəsi imkanı qazanıb.

Lakin milliləşən legioner Aleksey İsayev komandasının siftəsini korlayıb. O, “Səbail”lə qarşılaşmada penaltini boşa verib.

“Qəbələ” – “Neftçi” matçının taleyini həll edən İsnik Alimi isə mövsümdə 4-cü dəfə penaltidən dəqiq olub. O, bu göstəricidə Felipe Santosu arxada qoyub. Sonuncu kimi 3 şans qazanan Filip Ozobiçin bir xətası var.

“Qəbələ” həm də penaltidən daha çox – 4 qol vuran komandadır. 5 belə imkan əldə edən “Qarabağ” 3 dəfə fərqlənib.

Qeyd edək ki, ümumilikdə 22 penaltidən 18-i qolla nəticələnib.

Penalti vuran klublar
1. “Qarabağ – 5 (2-si qeyri-dəqiq)
2. “Qəbələ” - 4
3-5. “Şamaxı”, “Səbail”, “Zirə” – 3
6. “Neftçi” – 3 (1)
7. “Sabah” – 1 (1)
8. “Sumqayıt” – 0

Penalti ilə cəzalanan klublar
1. “Sumqayıt” – 6 (1)
2. “Zirə” – 4 (1)
3. “Neftçi” – 4
4. “Səbail” – 3 (1)
5. “Qarabağ” – 3
6. “Qəbələ” – 1 (1)
7. “Sabah” – 1
8.  “Şamaxı” – 0

Ən azı 3 penalti vuran futbolçular
1. İsnik Alimi (“Qəbələ”) - 4
2. Felipe Santos (“Şamaxı”) – 3
3. Filip Ozobiç (“Qarabağ”) – 3 (1)
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"