Bakı. Mehman Süleymanov-APA-Sport. Azərbaycan Premyer Liqasının XIX turunun “Xəzər-Lənkəran” – “Gənclərbirliyi” oyunu Bakıda keçiriləcək. “APA-Sport” agentliyinin məlumatına görə, Lənkəranda baş tutmalı olan matçın məkanı və vaxtı hər iki klub arasında əldə olunan razılaşmaya əsasən dəyişdirilib. Oyunun martın 29-da “Şəfa” stadionunda keçirilməsinə səbəb Lənkəran şəhər stadionunun ot örtüyünün tam hazır olmamağıdır. “Xəzər-Lənkəran” 11 aylıq fasilədən sonra öz meydanına qayıdışını martın 20-də ölkə kubokunun ¼ final mərhələsinin cavab görüşündə “Olimpik” üzərində 2:0 hesablı qələbə ilə qeyd edib. Nəticədə yarımfinala vəsiqə qazanan Ağasəlim Mircavadovun komandası “Gənclərbirliyi” ilə Bakıda görüşməyi məqsədəuyğun sayıb. Qeyd edək ki, “Xəzər-Lənkəran” cari mövsümdə paytaxtda keçirdiyi matçların heç birində qələbə qazana bilməyib.

• “Mançester Yunayted”dən yeni rekord
• Hacıosmanoğlu “Qalatasaray” – “Samsunspor” oyunundakı epizod barədə: "Qəbul edirəm"
• TFF prezidentindən derbi açıqlaması: "Etiraz etməli olan tərəf "Fənərbaxça"dır"
• “Fənərbaxça” və “Samsunspor”un Avropa oyunlarını idarə edəcək hakimlər açıqlanıb
• Elçin Məsiyev UEFA Avropa Liqasının oyununa təyinat alıb