Komandaların sabah görüşəcəyi Tofiq Bəhramov adına Respublika stadionunda ötən ilin oktyabrın 20-də keçirilən matç makedoniyalı mütəxəssis Qyoko Hacievskinin çalışdırdığı “Bakı”nın 5:1 hesablı qələbəsi ilə nəticələnib. Bu, “Neftçi”nin milli çempionatlar tarixində, həmçinin ölkə kuboku uğrunda oyunlarda ən böyük hesablı məğlubiyyətidir. Çexiyalı Vlastimil Petrjelanın dövründə bu acınacaqlı yenilgini alan flaqman ukraynalı Anatoli Demyanenko ilə bunun əvəzini çıxmağa çalışacaq.
Premyer Liqanın lideri “Olimpik”i isə debütant “Standard”la növbəti sınaq gözləyir. Əsgər Abdullayevin çalışdırdığı komandanın cari çempionatda xal itirdiyi oyunlardan biri məhz bu klubla görüş olub. İlk dövrədə İsmət Qayıbov adına Bakıxanov qəsəbə stadionunda keçirilən matç qolsuz heç-heçə (0:0) ilə başa çatıb.
“Qarabağ” “Turan”la cari mövsümdə artıq dördüncü dəfə görüşəcək. Məsələ ondadır ki, komandalar kubokda da münasibətlərini ayırd edib və “Qarabağ” arxada qalan üç oyunun hamısında qələbə qazanıb.

30 mart
“Olimpik” – “Standard”
“Neftçi” – “Bakı”
“Qarabağ” – “Turan”
“Karvan” – “Qəbələ”

Turnir cədvəli

	Klub	o	q	h	m	t	x
1	Olimpik	17	13	4	0	23-3	43
2	Neftçi	17	12	3	2	32-14	39
3	İnter	17	10	4	3	30-9	34
4	Xəzər-Lənkəran	17	9	6	2	28-13	33
5	Simurq	17	9	3	5	25-14	30
6	Bakı	17	7	6	4	24-15	27
7	Qəbələ	17	8	0	9	21-21	24
8	Qarabağ	17	6	5	6	17-14	23
9	Karvan	17	6	2	9	14-16	20
10	Masallı	17	5	3	9	19-31	18
11	Standard	17	4	6	7	20-19	18
12	ABN	17	1	6	10	8-29	9
13	Turan	17	2	2	13	10-35	8
14	Gənclərbirliyi	17	2	0	15	12-50	6

Bombardirlər: Branimir Subaşiç (“Neftçi”) – 13, Xaqani Məmmədov (“İnter”), Junivan Suares (Olimpik) - 11.

Qeyd edək ki, XIX tura bu gün keçirilən ABN – “Masallı”, “Simurq” – “İnter” və “Xəzər-Lənkəran” – “Gənclərbirliyi” oyunları ilə start verilir.

• Keyn Haalandı geridə qoydu
• Lukman üçün 2 müştəri
• Kamavinqa Premyer Liqa nəhənginin hədəfində
• "Mançester Siti"də ciddi itki
• Xavyer Maskerano “İnter Mayami”də