Bakı. Vüqar Xeyrullayev - APA-Sport. Finlandiya - Azərbaycan oyunu üçün satışa çıxarılan biletlər qurtarıb. “APA-Sport”un məlumatına görə, oktyabrın 11-də keçiriləcək qarşılaşma üçün nəzərdə tutulan biletlərin hamısı satılıb.
1938-ci ildə istifadəyə verilən “Olimpiya” stadionu 42062 tamaşaçı tutsa da, Finlandiya Futbol Federasiyası Azərbaycanla matçda böyük azarkeş dəstəyinin olacağını gözləmirdi. Təxminən tribunaların yarısına bilet satmaq arzusunda olan skandinaviyalılar indi bilet çatışmazlığını həll etməyə qərar verib. Federasiyanın marketinq və komunikasiya meneceri Yuxa Kuosa problemin ciddi olmadığını bildirib: “Satışa 20 min bilet çıxarmışdıq ki, onların hamısının satılması bizi uyğun addımlar atmağa vadar etdi. İndi satışa əlavə biletlər çıxarmışıq ki, satılanlarla birlikdə ümumi sayı 25 minə yaxındır. Lakin matç başlayanadək bu biletlərin də qurtarması istisna deyil. Belə olan halda da narahat olmağa dəyməz. Hər şey bizim nəzarət altındadır. Lazım gələrsə, daha bir partiya bilet satışa çıxarılar”.

• "Arsenal" Türkiyə millisinin üzvü ilə maraqlanır
• “Zirə”nin legioneri millidə fərqlənib
• UEFA və FİFA-dan Rusiya üçün yeni qərar
• Ən yaxşı adına 5 namizəd
• Keynin heykəli təqdim olunub