Bakı. Vüqar Xeyrullayev – APA-Sport. “Azərbaycanla oyun öncəsi yüksək əhval-ruhiyyədəyik. Əla komandamız var və hər futbolçumuzun ustalıq səviyyəsi ilə öyünmək olar”. “APA-Sport”un məlumatına görə, bu sözləri Finlandiya milli komandasının üzvü Daniel Syolund deyib.

İsveçin “Yurqorden” klubunda çıxış edən yarımmüdafiəçi bildirib ki, sabah Azərbaycan yığması ilə oyuna arxayın çıxmayacaqlar. Millidə 16 oyuna 2 qol vuran Syolundun fikrincə, ötən il Bakıda alınan məğlubiyyət bu dəfə finlərin ayıq olmasına səbəbdir: “Yığma oyunçuları bir araya gələndə günümüz çox şən keçir. İnanıram ki, Almaniya ilə matçdan sonra olduğu kimi, şənbə gecəsi də deyib-güləcəyik. Azərbaycanla oyunun çox çətin olacağına əminəm. Bu rəqiblə Avropa çempionatının seçmə mərhələsindəki oyunların nəticələrini də unutmamışıq. Onda səfərdə uduzub, evdə güc-bəla ilə qalib gəldik. Elə həmin oyunlar bu dəfə bizi arxayınlaşmağa qoymur”.

• "Arsenal" Türkiyə millisinin üzvü ilə maraqlanır
• “Zirə”nin legioneri millidə fərqlənib
• UEFA və FİFA-dan Rusiya üçün yeni qərar
• Ən yaxşı adına 5 namizəd
• Keynin heykəli təqdim olunub