Bakı. Vüqar Xeyrullayev - APA-Sport. “Bizə Azərbaycanı udmaq üçün bircə şey lazımdır”. “APA-Sport”un məlumatına görə, bunu Finlandiya milli komandasının qapıçısı Otto Fredriksson deyib. Yığma komandada Yussi Yaskelaynenin əvəzləyicisi olan 27 yaşlı əlcək sahibi qələbəni kənardan izləməyə də razıdır: “Yussinin bir nömrə olması hamıya məlumdur. Azərbaycanla görüşdə də onun meydanda, mənim ehtiyatda qalacağım faktı ilə barışmışam. Rəqibi üstələmək üçün bütün fikrimizi bu oyuna cəmləməliyik. Tam konsentrasiya sayəsində 3 xalı əldə edə bilərik. Psixoloji hazırlıq qaydasında olsa, qələbə bizim olacaq. Çünki qalan hər şey yüksək səviyyədədir. Azərbaycanla oynamağa yaxşı hazırlaşmışıq. Xüsusilə, hücumçular rəqibi necə məyus etmək üzərində çox çalışıblar”.

• "Fənərbaxça" Emre Belözoğlu ilə danışıqlara başladı - YENİLƏNİB
• Faciəvi ölümlə bağlı: Çempionlar Liqasında bir dəqiqəlik sükut
• Dirk Kuyt “Liverpul”la matçdan əvvəl iddialı danışdı: “Özümüzü göstərəcəyik”
• Türkiyə millisinin sabiq üzvü karyerasını BAŞA VURUB
• “Liverpul”un “Fənərbaxça” ilə oyun üçün heyəti açıqlandı – 7 itki