Bakı - APA-Sport. Türkiyənin 21 yaşadək (U-21) futbolçulardan ibarət milli komandası Avropa çempionatının final mərhələsinə yüksələcəyi halda, Arda Turan heyətə cəlb ediləcək. “APA-Sport”un məlumatına görə, bu açıqlama ilə federasiya prezidenti Mahmut Özgener çıxış edib.

“Biz gənclərdən ibarət yığmaya da böyük önəm veririk. Onların Belarus ilə vacib oyunları var. Bu səbəbdən əsas yığmaya çağırılan dörd futbolçunu Belarusa yolladıq. Komanda Avropa çempionatına yüksələcəyi təqdirdə, yaşları uyğun olan Arda Turanla Mehmet Topal kimi oyunçular da heyətə cəlb ediləcəklər” – deyə Özgener bildirib.

Qeyd edək ki, Türkiyənin gənclərdən ibarət yığması Avropa çempionatının pley-off mərhələsinin ilk matçında rəqibini 1:0 hesabı ilə məğlub edib. Tərəflər arasında cavab oyunu sabah Belarusda keçiriləcək.

• Faciəvi ölümlə bağlı: Çempionlar Liqasında bir dəqiqəlik sükut
• Dirk Kuyt “Liverpul”la matçdan əvvəl iddialı danışdı: “Özümüzü göstərəcəyik”
• Türkiyə millisinin sabiq üzvü karyerasını BAŞA VURUB
• “Liverpul”un “Fənərbaxça” ilə oyun üçün heyəti açıqlandı – 7 itki
• “Vest Hem” baş məşqçisini istefaya göndərdi – RƏSMİ