Bakı. Vüqar Xeyrullayev - APA-Sport. Sabah Azərbaycan milli komandası ilə yoldaşlıq oyunu keçirəcək Bəhreyn yığmasının start heyəti müəyyənləşib. “APA-Sport”un məlumatına görə, ərəb mənbələri çexiyalı mütəxəssis Milan Maçalanın güvənəcəyi “11-liy”in siyahısını ələ keçirib. Həmkarlarımızın əldə etdiyi bu məlumata əsasən yığmamıza qarşı meydana çıxacaq start heyətində Bəhreyn klublarının cəmi 4 futbolçusu olacaq. Digər 7 oyunçu legionerlərdir ki, milliləşən Cessi Con Belçika birinciliyinin liderlərindən olan “Muskron”da çıxış edir.

Çexiyalı qapını 23 yaşlı Məhəmməd Əl Səid Cəfərə (“Malkiya”) həvalə edərək, arxa xətdə 25 yaşlı Məhəmməd Adnan (“Əl-Xor”, Qətər), 26 yaşlı Hüseyn Baba (“Ümm-Salal”, Qətər), 27 yaşlı Məhəmməd Hüseyn (“Salimiyyə”, Küveyt) və 21 yaşlı Əyyad Abbasa (“Əl-Əhli”) güvənəcək.

Komandanın ən təcrübəli futbolçusu olan Salman İsa (“Əl-Ərəbi”, Qətər) orta sahədə yer alacaq. 31 yaşlı futbolçunun yanında 24 yaşlı Mahmud Əbdulrəhman və 23 yaşları olan Fevzi Ayeş (hər ikisi “Mühərrəq”) ilə Abdulla Baba Fəttadi (“Əl-Xəritiyad”, Qətər) çıxış edəcək.

Hücum xəttində 25 yaşlı Əla Hübeyl (“Ümm-Salal”, Qətər) ilə 23 yaşı olan Cessi Con (“Muskron”, Belçika) yer alacaq.

• Amorim 7 futbolçu ilə vidalaşacaq
• Vieyra İtaliya klubunu çalışdıracaq
• “Dortmund”dan Bellingem həmləsi
• "Fənərbaxça" En-Nesri əvəzinə 2 ulduz ad arasında seçim edəcək
• Levandovski “Barselona”da qalmaq istəyir