Bakı. Vüqar Xeyrullayev - APA-Sport. Azərbaycan milli komandası son il yarım ərzində qazandığı bütün qələbələri rəqib meydanında əldə edib. “APA-Sport”un hesablamalarına görə, Manamada keçirilən yoldaşlıq oyununda Bəhreyni 2:1 hesabı ilə məğlub edən yığmamız tarixində 5-ci dəfə səfərdən qalib ayrıldı. Rəqib meydanındakı bütün uğurları yoldaşlıq oyunlarına təsadüf edən yığma son 14 ayda üç dəfə meydan sahiblərini məyus edib. İndiyədək qazandığı 25 qələbədən 5-ni rəqib, 9-nu neytral meydanda rəsmiləşdirən komandamız ölkəmizdə 11 dəfə sevinib. Evdəki axırıncı qələbəsini ötən ilin martında qeyd edən yığmamız son il yarımda udduğu üç qarşılaşmanın hamısı səfərdə keçirib.

Azərbaycan milli komandasının səfər qələbələri

tarix	rəqib	hesab	baş məşqçi
20.02.1996	Kipr	2:0	Kazbek Tuayev
28.04.2004	Qazaxıstan	3:2	Karlos Alberto Torres
22.08.2007	Tacikistan	3:2	Şahin Diniyev
04.06.2008	Andorra	2:1	Berti Foqts
15.10.2008	Bəhreyn	2:1	Berti Foqts

• Amorim 7 futbolçu ilə vidalaşacaq
• Vieyra İtaliya klubunu çalışdıracaq
• “Dortmund”dan Bellingem həmləsi
• "Fənərbaxça" En-Nesri əvəzinə 2 ulduz ad arasında seçim edəcək
• Levandovski “Barselona”da qalmaq istəyir