Bakı. Mehman Süleymanov - APA-Sport. Dieqo Maradonanın Argentina yığmasının baş məşqçisi olmasını istəmirlər. “APA-Sport”un məlumatına görə, 48 yaşlı ulduz futbolçu ilə uzun illər yığmada birgə çıxış edən Xorxe Valdano onun təyinatına qarşı çıxıb. Bunu ölkə futbol federasiyası tərəfindən çox riskli addım hesab edən keçmiş hücumçunun sözlərinə görə, Maradonaya hörmət etməsinin məsələyə dəxli yoxdur: “Mən Maradonaya hörmətlə yanaşsam da, onun yığmamıza baş məşqçi təyin olunmasını dəstəkləmirəm. Klublarda işləməyən Dieqonun milli komandanı çalışdırması çox ağırdır. Keçmiş komanda yoldaşımın məşqçilik təcrübəsi yoxdur, yığmanın baş məşqçisi olmaq isə çox çətin işdir”. Valdano və Maradona Argentina yığmasının heyətində 1986-cı il Meksikada keçirilən dünya çempionatının qalibi olub.
Qeyd edək ki, Alfredo Basilenin gedişindən sonra yığmada baş məşqçi vəzifəsini Serxio Batista icra edir.

• “Barselona” Salahdan imtina etdi
• "Fənərbaxça"nın forvardı üçün astronomik təklif
• Pep “Siti” ilə razılaşdı
• "Cenoa"nın baş məşqçisi rəsmiləşdi
• FİFA “Barselona”ya 3 milyon avro təzminat ödəyəcək