Bakı. Vüqar Xeyrullayev - APA-Sport. Azərbaycan yığmasının futbolçusu Branimir Subaşiç “Srvena Zvezda” klubunun heyətində ən pis oyununu keçirib. “APA-Sport”un məlumatına görə, 26 yaşlı hücumçunun komandası Serbiya çempionatının 10-cu turunda “Boraç”a 0:1 hesabı ilə uduzub. Səfər qarşılaşmasında ilk dəqiqələrdən meydanda olan Subaşiç matçın 77-ci dəqiqəsində əvəzlənib. Serbiya mətbuatı Branimirin oyununu 5,5 xalla qiymətləndirib. Bu Subaşiçin cari mövsüm “Srvena Zvezda”nın heyətində aldığı ən aşağı qiymətdir. Belqrad təmsilçisində 7-ci çempionat görüşünə çıxan hücumçu yalnız “Partizan”la matçda da 5,5 qiymət almışdı.
Bu məğlubiyyətdən sonra hesabında 14 xal olan “Srvena Zvezda” bir pillə geriləyərək 5-ci yerə enib.

• “Beşiktaş” Avropa Liqası matçını Batumidə keçirəcək
• Arda Turandan növbəti qələbə – “Şaxtyor” zirvədə
• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!