Bakı - APA-Sport. “Olimpik” klubunun rəhbərliyi “Neftçi”nin əsas heyətindən uzaqlaşdırılmış 2 futbolçu ilə maraqlanır. “APA-Sport”un məlumatına görə, bunu “təyyarəçilər”in baş məşqçisi Əsgər Abdullayev deyib.

Ötən mövsüm gümüş medala layıq görülmüş “Olimpik”in 48 yaşlı çalışdırıcısı heyətə cəlb etmək istədikləri futbolçuların adlarını gizli saxlayıb: “Mən “Neftçi”nin futbolçularını yaxşı tanıyıram. Bu oyunçuların istənilən komandanı gücləndirməyə qadir olduqlarına əminəm. İki futbolçu ilə danışıqlara başlamaq istəyirik”.

Qeyd edək ki, son vaxtlar “Neftçi”nin 6 üzvü - Rəşad Sadıqov, Georgi Adamiya, Aleksandr Çertoqanov, Ruslan Abbasov, Rəşad Sadiqov və Elnur Allahverdiyev ehtiyat komandaya göndəriliblər.

mənbə: www.pfl.az

• Zaha karyerasını ABŞ-də davam etdirə bilər
• “Marsel”in hücumçusu “Vest Hem”in radarında
• ABŞ şirkəti İtaliya klubunu alıb
• Fatih Terimdən möhtəşəm geri dönüş
• “Yuventus” Vlahoviçi gözdən çıxarıb - Yeni ünvan adadır