“Bakı” “Şəfa”nın yolu ilə gedir

31.10.2008 - 17:07

Bakı. Vüqar Xeyrullayev - APA-Sport. “Bakı” – “Qafqaz Universiteti” görüşü Azərbaycan kuboku yarışlarının tarixinə düşüb. “APA-Sport”un hesablamalarına görə, paytaxtın eyniadlı təmsilçisinin 10:0 hesabı ilə qalib gəldiyi matçın nəticəsi üç rəqəmlə ifadə olunub. Bu, ölkə kuboku tarixində 10-cu oyundur ki, komandalardan biri ən azı 10 qol vurur. Bu qarşılaşmalardan biri yarımçıq dayandırılan və nəticələri ləğv olunan 2001/02 mövsümünə təsadüf edib. Kubok matçında bu nəticəyə imza atan ilk komanda “Kürmük” olub. Qaxlılar 15 il əvvəl bunu bacarıb. Sonuncu dəfə isə 5 il əvvəl “Şəfa” coşmuşdu ki, onda bakılılar 14 dəfə fərqlənmişdi. Ümumiyyətlə, “Şəfa” 10 qol həddini 3 dəfə aşan yeganə komandadır. “Bakı” isə ikinci dəfə belə uğura imza atıb.

mövsüm	qalib komanda	məğlub komanda	hesab
1993	“Kürmük” (Qax)	“Göyçay”	10:0
1994/95	“Turan” (Tovuz)	U-18 (Bakı)	10:2
1995/96	“Kəpəz” (Gəncə)	LDU”Xəzər” (Lənkəran)	12:1
1997/98	“Şəfa” (Bakı)	HHQ (Bakı)	14:0
1997/98	“Qarabağ” (Ağdam)	“Naftalan”	12:0
1997/98	“Kür-Nur” (Mingəçevir)	“Babək-44” (Bakı)	12:0
1999/2000	“Dinamo” (Bakı)	“Dəniz neftçiləri”(Bakı)	10:1
2001/02	“Şəfa” (Bakı)	“Xəzər” (Lənkəran)	12:2
2003/04	“Şəfa” (Bakı)	“Lider-Qarabağ” (Ağdam)	14:0
2008/09	“Bakı”	“Qafqaz Universiteti”(Bakı)	10:0