Bakı - APA-Sport. Fransa çempionatında ilk azərbaycanlı futbolçu oynaya bilər. “APA-Sport”un məlumatına görə, bu şərəfə “Qalatasaray”ın və Türkiyə yığmasının müdafiəçisi, əslən azərbaycanlı Sərvət Çətin nail olmaq üzrədir. 27 yaşlı futbolçunun xidmətində “Marsel” klubu maraqlıdır.

“Qalatasaray”ın sabiq baş məşqçisi Erik Geretsin çalışdırdığı “Marsel”in arxa xəttində problemlər mövcuddur. Gerets müdafiədəki boşluqları Sərvətin sayəsində doldurmaq niyyətindədir. Baş məşqçinin fikri ilə klub prezidenti Pape Dyuf da razılaşıb. “Marsel” rəsmiləri Çətinin meneceri ilə gələn həftə görüşərək, mümkün transferin detallarını müzakirə edəcəklər.

Qeyd edək ki, bu ili yayında azərbaycanlı futbolçunu İngiltərənin “Portsmut” klubu 6 milyon avro müqabilində heyətə cəlb etmək istəsə də, rədd cavabı almışdı.

• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə
• Cek Qriliş məşqə gəlmədi – "Everton"dan sərt cəza
• Afrika Millətlər Kubokunun təqvimi dəyişdi – 2029-cu il ləğv edildi
• Messinin böyük qayıdışı təxirə düşür: Mayamidə xoşbəxtdir