Fevralın 1-də Dubayda oynanılan Azərbaycan - Özbəkistan (1:1) matçından sonra milli komandamızın baş məşqçisi Berti Foqts yetirmələri arasında daha çox Leandro Qomeşi fərqləndirmişdi. Almaniyalı mütəxəssis Qomeşin dövrələrarası fasilədə öz üzərində çox çalışdığını bildirərək, onu tərifləmişdi. Foqts hətta 2-3 klubun hücumçu ilə maraqlandığını bildirmişdi.

Lakin Bakının “Olimpik” klubunun da şərəfini qoruyan braziliyalı futbolçu apasport.az saytına açıqlamasında heç bir təklif almadığını söyləyib: “Hazırda yığanın tərkibində təlim-məşq toplanışındayam. Hələlik mənə konkret təklif gəlməyib”.

Qomeş vurğulayıb ki, təklif alacağı təqdirdə, variantları götür-qoy edəcək: “Əgər təklif olarsa, fikirləşməyə dəyər. Mən özümü xarici klublarda oynamağa hazır hesab edirəm”.

• “Milan” İsveçrə millisinin üzvü ilə maraqlanır
• Super Liqa klubu 3 futbolçusu ilə yollarını ayırdı
• “Roma”dan “İnter”ə - RƏSMİ
• “Sabah”ın rəqibindən növbəti transfer
• “Qalatasaray” “Tottenhem”in forvardı ilə maraqlanır