Azərbaycanın 21 yaşadək futbolçulardan ibarət milli komandasının (U-21) Türkiyə yığması ilə keçirəcəyi yoldaşlıq oyununun yeri müəyyənləşib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, Avropa çempionatının seçmə oyunlarına hazırlaşan gənclərimiz türk həmyaşıdlarını İstanbulda sınağa çəkəcəklər.

Matç iyunun 3-də “Qalatasaray” klubunun 24 min tamaşaçı tutumuna malik “Əli Sami Yen” stadionunda baş tutacaq. Buna qədər isə U-21 mayın 20-də Lənkəranda Özbəkistanla qüvvəsinin sınayacaq. Türklərlə görüşdən sonra isə Bernard Lippertin yetirmələri İngiltərədə meydan sahiblərinə qarşı mübarizə aparacaqlar.

Qeyd edək ki, Azərbaycan və Türkiyənin U-21-lərindən bir gün öncə, iyunun 2-də bu iki ölkənin əsas milli komandalar arasında Kayseri şəhərinin “Kadir Has” stadionunda yoldaşlıq görüşü olacaq.

• İnfantinonun müşaviri istefa verdi - Dünya çempionatının satılmasına etiraz etdi
• Premyer Liqaya hazırlaşırlar: "Hall Siti"dən 20 milyon avroluq transfer
• "Milan" əfsanəsini itirdi – Franko Barezi vəfat etdi
• FİFA-dan tənqidlərə cavab – "Heç kim futbolu satmır"
• "Nyukasl" yeni baş məşqçisini gətirir – 11 milyon avro təzminat