“Turnir ərəfəsində keçirilən son matç həmişə vacib əhəmiyyət kəsb edir. Bu səbəbdən Azərbaycanla qarşılaşmaya böyük məsuliyyətlə yanaşırıq”. Apasport.az saytının məlumatına görə, bu sözləri İngiltərənin 21 yaşlılardan ibarət milli komandasının baş məşqçisi Stüart Pirs deyib.

İyunun 8-də keçiriləcək yoldaşlıq oyununda Azərbaycan yığması ilə görüşəcək britaniyalıların çalışdırıcısı 21 yaşlılar arasında Avropa çempionatının İsveçdə keçirilən final mərhələsinə qələbə ilə yollanmaq iddiasındadır: “Ötən həftə İspaniyada təşkil olunan təlim-məşq toplanışımızdan tam razı qaldım. Lakin futbolçuların oyun kondisiyalarını görmək baxımından bir yoldaşlıq görüşünə ehtiyacımız var. Buna görə də, Azərbaycanla keçirəcəyimiz matç böyük önəm daşıyır. Məhz bu oyuna əsasən 21 yaşlılar arasında Avropa çempionatının final mərhələsində meydana buraxacağım əsas heyəti müəyyənləşdirəcəyəm. Hər oyunçu haqda müəyyən təəssürat yaradacaq matçda qələbə də zəruridir. İki aydır oyun keçirməyən yığmamız İsveçə yaxşı əhval-ruhiyyədə yollanmalıdır. Axı biz İsveçə qitə çempionu olmaq üçün gedəcəyik”.

Qeyd edək ki, iyunun 15-də başlayacaq Avropa çempionatının final mərhələsi ayın 29-dək davam edəcək.

• Osimhen dubl etdi - NİGERİYA DÇ-nin bir addımlığında
• Türkiyə klubu 5 futbolçusu ilə yollarını ayırdı - mərc oyunlarında iştirak etdiklərinə görə
• Rafa Silva pensiyaya çıxır? - "Beşiktaş"dan açıqlama
• Mançininin yeni iş yeri bəlli olub
• Mərc qalmaqalı: Eren Elmalı və Metehan Baltacının cəzaları bəlli oldu