Çimərlik futbol üzrə Azərbaycan milli komandası İspaniyada keçirilən dünya çempionatının seçmə mərhələsində bu gün son matçına çıxıb. Apasport.az saytının məlumatına görə, Emil Cabbarovun yetirmələri gözlənilmədən qrupun autsayderi Avstriyaya məğlub olublar - 4:5.

Bununla da, milli komandamız 1/8 finala çıxmaq şansını çətin salıb. Yığmamız növbəti mərhələyə adlamaq üçün Almaniyanın bir saatdan sonra başlanacaq matçda Portuqaliyaya uduzmasına ümid bağlayır.

Hazırda Azərbaycan, Avstriya və Almaniyanın 3 xalı var. Lakin futbolçularımız topların nisbətinə görə, daha yaxşı göstəriciyə (13-13) malikdir. Almaniya (9-9) və Avstriyanın (15-23) isə topların nisbətində vəziyyətləri yaxşı deyil. Növbəti mərhələdə iştirak hüququ əldə etmək üçün ilk iki pillədən birini tutmaq və ya ən yaxşı göstəricilərlə 3-cü pillədə qərarlaşan iki kollektivdən biri olmaq lazımdır.

Avropanın seçmə mərhələyə qatılmış 26 komandasından 5-i dünya çempionatına yüksələcək.

• “Qarabağ”ın sabiq qapıçısı “Göztəpə”də – Rəsmi
• “Qaziantep”in transfer qadağası ləğv edildi
• Salaha Avropadan ən yaxşı təklifi “Beşiktaş” edib – Qərar gözlənilir
• "Real Madrid" Rodri üçün hərəkətə keçdi – "Mançester Siti" ilə danışıqlar başladı
• Uğurcan Çakır: "Ən çətin qərarım "Trabzonspor"dan ayrılmaq idi"