Bu gün Bakının “İnter” klubunun futbolçuları mükafatlandırılıb. Apasport.az saytının məlumatına görə, "Şəfa" İdman və Sağlamlıq Kompleksinin ərazisində yerləşən "İnter" kafesində Fransada futbol üzrə beynəlxalq turnirin qaliblərinin mükafatlandırma mərasimi keçirilib. Yeniyetmələrdən ibarət komanda bu il mayın 29-dan iyunun 2-ə kimi Lil şəhərində keçirilən turnirdə iştirak edərək, hamıdan güclü olub. Klubun prezidenti Georgi Nikolov yeniyetmə futbolçularının beynəlxalq yarışda Avropa komandalarını məğlub edərək, 1-ci yerə çıxmasını yüksək qiymətləndirmiş və onlara yeni-yeni qələbələr arzulayıb. “İnter”ə himayədarlıq edən Beynəlxalq Bankın nümayəndəsi Rauf Məmmədov da komandanın Fransadan çempion kimi qayıtmasını alqışlayaraq, yeniyetmə futbolçuları yüksək nəticə əldə olunması münasibətilə təbrik edib.

Qısa çıxışlardan sonra komanda üzvlərinə pul mükafatları təqdim olunub.

• Salaha Avropadan ən yaxşı təklifi “Beşiktaş” edib – Qərar gözlənilir
• "Real Madrid" Rodri üçün hərəkətə keçdi – "Mançester Siti" ilə danışıqlar başladı
• Uğurcan Çakır: "Ən çətin qərarım "Trabzonspor"dan ayrılmaq idi"
• “Arsenal” istəyir, “Real” buraxmır – Vinisiusla yeni müqavilə imzalanacaq
• Kasper Hö “Seltik”də – 5 illik müqavilə