Azərbaycanlıların və digər Türkdilli Xalqların Əməkdaşlıq Mərkəzi (ATXƏM ) İctimai Birliyi Salyanın Qaraçala qəsəbəsində yeniyetmə futbolçulardan ibarət komandaların iştirakı ilə futbol turniri keçirəcək. Mərkəzin mətbuat xidmətindən apasport.az saytına verilən məlumata görə, AFFA-nın Regional Futbol Federasiyası ilə birgə təşkil olunan yarış “2005-2015-ci illərdə Azərbaycan Respublikasında futbolun inkişafına dair Dövlət Proqramı”na uyğun gerçəkləşəcək.

Yarış iyulun 12-də saat 15:00-da start götürəcək. Neftçala, Şirvan, Salyan və Qaraçala komandalarının mübarizə aparacağı turnirin qalibi elə həmin gün müəyyənləşəcək.

ATXƏM-in dəvəti ilə AFFA-nın Regional Futbol Federasiyasının prezidenti İsgəndər Cavadov və vitse-prezident Maşallah Əhmədov da Salyana təşrif buyuracaq. Turnirdə fərqlənən oyunçulara və qalib komandaya diplom, fəxri fərman və digər qiymətli hədiyyələr veriləcək.

• "Mançester Yunayted"ə şərt qoyuldu: 125 MİLYON VER, TRANSFERİ TAMAMLA
• "Atletiko" Qrizmanna əvəzləyici tapdı: DORTMUNDDAN İSPANİYAYA
• "Alman maşını"na daha bir hücumçu: VLAHOVİÇ "BAVARİYA" YOLUNDA
• Nazir "Qalatasaray"ı fanat kimi təriflədi: CİDDİ ETİRAZA SƏBƏB OLDU
• "Qalatasaray"dan "Fənərbaxça"ya: "Hakimi birlikdə təyin etmisiniz?" - FOTO