2010-cu il dünya çempionatının seçmə mərhələsi çərçivəsində Azərbaycan – Rusiya oyununu idarə edəcək ingilis Hovard Uebbin köməkçiləri müəyyənləşib. AFFA-nın İnformasiya və İctimaiyyətlə Əlaqələr Departamentindən apasport.az saytına verilən məlumata görə, oktyabrın 14-də Tofiq Bəhramov adına Respublika stadionunda keçiriləcək görüşdə 38 yaşlı tanınmış FİFA referisinə həmyerliləri Darren Kann, Mark Mullarkey və Mark Klattenburq yardım edəcək. Oyunun hakim-inspektoru slovakiyalı Yozef Marko, komissra polşalı Stanislav Spejik təyin olunub.

Qeyd edək ki, UEFA-nın Hakimlər Komitəsinin təyin etdiyi bu ingilis hakimlərdən Klattenburqun Azərbaycanla yolu kəsişib. O, ötən il İntertoto kubokunun ikinci mərhələsi çərçivəsində “Neftçi”nin Belçikanın “Jerminal” klubu ilə iyulun 12-də keçirilən ev oyununu idarə edib. Həmin görüşdə milli komandamızın müdafiəçisi Elnur Allahverdiyevin vurduğu qolla 1:0 hesabı ilə qalib gələn “Neftçi” üçüncü mərhələyə yüksəlib. 15 aylıq fasilədən sonra Bakıya gələn Mark bu dəfə Respublika stadionuna ehtiyat hakim kimi çıxacaq.

• Osimhen dubl etdi - NİGERİYA DÇ-nin bir addımlığında
• Türkiyə klubu 5 futbolçusu ilə yollarını ayırdı - mərc oyunlarında iştirak etdiklərinə görə
• Rafa Silva pensiyaya çıxır? - "Beşiktaş"dan açıqlama
• Mançininin yeni iş yeri bəlli olub
• Mərc qalmaqalı: Eren Elmalı və Metehan Baltacının cəzaları bəlli oldu