Çempionlar Liqasının qrup mərhələsində III tura yekun vurulub. Apasport.az saytının məlumatına görə, son iki gündə dünyanın diqqət mərkəzində olan bu 16 qarşılaşma daha çox sensasiyalarla yadda qaldı.

Güclü komandalar üçün qara rəngə boyanan turda qitənin güclü klubları uğursuzluğa düçar oldu. İspaniyanın yarışda iştirak edən komandalarından üçü uduzmaqla, pireneylilərin nüfuzuna xələl gətirdi. “Barselona” və “Real” öz meydanlarında favorit sayıldıqları görüşlərdən başı aşağı ayrıldısa, “Atletiko” Londonu başı qapazlı tərk etdi. İspaniyanın nüfuzunu isə yalnız “Sevilya” qoruya bildi.

Almaniyalılar üçün də iki gecə bəd gəldi. Üç Bundesliqa təmsilçisi cəmi 1 xal qazandı. “Bavariya” səfərdə uduzdusa, “Volfsburq”la “Ştutqart” öz meydanında qalib gələ bilmədi. “Liverpul”, “İnter” və “Reyncers” kimi klublar da öz meydanında biabır olmaqla, turu arxada qoydu.

21 oktyabr

A qrupu

“Bordo” – “Bavariya” - 2:1
Qollar: Ciani, 28; Planus, 40 - Ciani, 5 (avtoqol)

“Yuventus” – “Makkabi” (Hayfa) - 1:0
Qol: Çiellini, 47

B qrupu

MOİK (Moskva) – “Mançester Yunayted” - 0:1
Qol: Valensiya, 87

“Volfsburq” – “Beşiktaş” - 0:0

C qrupu

“Real” – “Milan” - 2:3
Qollar: Raul, 19; Drente, 76 - Pirlo, 62; Pato, 66; 88

“Sürix” – “Marsel” - 0:1
Qol: Heynze, 69

D qrupu

“Porto” – APOEL - 2:1
Qollar: Hulk, 32; 48 (penaltidən) - Pereyra, 21 (avtoqol)

“Çelsi” – “Atletiko” - 4:0
Qollar: Kalu, 40; 52; Lempard, 70; Perea, 90 (avtoqol)

20 oktyabr

E qrupu

“Debretsen” – “Fiorentina” - 3:4
Qollar: Czvitkovics, 1; Rudolf, 27; Kolibali, 89 - Mutu, 6; 19; Cilardinyo, 9; Santana, 36

“Liverpul” – “Lion” - 1:2
Qollar: Benayun, 40 - Gonalons, 72; Delqado, 90+1

F qrupu

“Barselona” – “Rubin” - 1:2
Qollar: İbrahimoviç, 48 - Ryazantsev, 1; Cökdəniz Karadəniz, 74

“İnter” – “Dinamo” (Kiyev) - 2:2
Qollar: Stankoviç, 35; Samuel, 48 - Mixalik, 4; Lusio, 40 (avtoqol)

G qrupu

“Reyncers” – “Unireya” - 1:4
Qollar: Pedro Mendes, 4 - Bilasko, 32; Fernandes, 50; McCulloch, 59 (avtoqol); Brandan, 66

“Ştutqart” – “Sevilya” - 1:3
Qollar: Elson, 74 - Squillaci, 23; 72; Xesus Navas, 55

H qrupu

“Alkmaar” – “Arsenal” - 1:1
Qollar: Mendes,90+3 - Fabreqas, 36

“Olimpiakos” – “Standard” - 2:1
Qollar: Mitroglou, 43; Stoltidis, 90 - De Kamargo, 37

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi