“Simurq” rəhbərliyi qapıçı Rauf Mehdiyevlə yollarını ayırıb. Apasport.az-ın Zaqatala klubunun rəsmi saytına istinadən məlumatına görə, bu qərar futbolçunun davranışlarına əsasən çıxarılıb. “Simurq”un prezidenti Zaur Məmmədov açıqlamasında Mehdiyevdən narazılığını gizlətməyib.
“Rauf Mehdiyev "Simurq"da oynamaq istəmirdi, məşqlərə qeyri-ciddi yanaşırdı. Ümumiyyətlə, onun davranışı, komandaya və oyunlara münasibəti "Simurq"un konsepsiyasına, ənənələrinə və məqsədlərinə uyğun gəlmirdi. Məhz bütün bunları nəzərə alaraq, klub rəhbərliyi Mehdiyevin klubdan uzaqlaşdırılmasına qərar verdi" - deyə Məmmədov vurğulayıb.

Qeyd edək ki, yığmamızın da şərəfini qoruyan 33 yaşlı qapıçı bu ilin yayında “Olimpik-Şüvəlan”dan “Simurq”a keçib. Amma o, Unibank Premyer Liqasının cari mövsümündə Zaqatala təmsilçisinin heyətində debüt edə bilməyib. Rauf “Simurq”da cəmi iki matçda - Avroliqada İsrail “Bney Yehuda”sı (0:1; 0:3) ilə qarşılaşmalarda forma geyinib.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi