Azərbaycanın 19 yaşadək futbolçulardan ibarət milli komandasının (U-19) üzvləri Rusiyada həyatlarını itirmək təhlükəsi ilə üzləşiblər. Apasport.az saytının məlumatına görə, Sankt-Peterburqda yığmamızın da qatıldığı Vladimir Qranatkinin xatirəsinə həsr olunmuş XXII beynəlxalq turnirin keçirildiyi “Peterburqski” İdman-Konsert Kompleksinə bomba qoyulması barədə xəbər yayılıb.

Belə ki, gənc bir qız polis işçilərini yarışda iştirak edən futbolçular və tamaşaçılar üçün terror hazırlandığını bildirib. Onun sözlərinə görə, bu, əsasən Rusiya və Ukrayna yığmalarının final oyunu ilə bağlı olub. Dərhal kompleksə gələn kinoloq (itlərin yerişdirilməsi üzrə mütəxəssis) orada baxış keçirib. Ancaq xüsusi hazırlanmış it heç bir təhlükəli əşya tapa bilməyib.

Qeyd edək ki, U-19 turnirdə 5-ci yeri tutub.

• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu
• Serdal Adalı yenidən “Beşiktaş” prezidenti seçilib
• Bu günün futbol matçları – Hansı oyun hansı kanalda?