Gürcüstanda təlim-məşq toplanışı keçirən Zaqatalanın “Simurq” klubu növbəti yoxlama oyununu keçirib. Apasport.az saytının məlumatına görə, təmsilçimiz aşağı dəstə təmsilçisi FS «35 Tbilisi» klubu ilə qarşılaşıb. Daha çox “35 Sapekhburto Skola” adı ilə tanınan bu komanda hazırda Gürcüstan çempionatının birinci dəstəsinin autsayderlərindən biridir.

Roman Pokoranın yetirmələri “məktəbli”lərə əsl “dərs” keçiblər – 6:2. Bolqarıstanlı hücumçu Nikolay Petrov-Valev iki qola imza atıb, digər qolları isə baxışda olan futbolçular vurub.

“VİT-Corciya” ilə ilk yoxlama oyununda olduğu kimi, bu dəfə də Pokora ixtiyarında olan bütün oyunçulara şans verib. Xatırladaq ki, həmin matçda təmsilçimiz 1:2 hesabı ilə uduzmuşdu.

“Simurq” Tbilisidəki növbəti yoxlama matçını yanvarın 23-də keçirəcək. Rəqibin adı hələ dəqiqləşməyib.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”