Azərbaycan milli komandasının sabiq futbolçusu Anatoli Ponomaryov yeni transfer olunduğu Türkiyənin “Orduspor” klubunda tibbi müayinədən keçib.

Apasport.az saytının məlumatına görə, 28 yaşlı yarımmüdafiəçi “Ordu Medikal Park Hastanesi”ndəki müayinədən sonra Türkiyə mətbuatına ilk açıqlamalarını verib.

Ordu şəhərinin yeni transferlərindən olan Ponomaryov artıq yaxın zamanda 1-ci liqa təmsilçisinə kömək edəcəyinə inandığını bildirib: “Orduda mənə göstərilən qayğı və diqqətdən çox razıyam. Hələlik buraları yaxşı tanımıram, indi-indi şəhərlə tanış oluram. “Orduspor”un oyunçusu kimi bu komandanın uğur qazanmasına çalışacağam. Bunda mənim də əməyimin olmasını istəyirəm”.

Qeyd edək ki, Anatoli “Orduspor”a İsveçin aşağı dəstə klubu “Vaselund”dan transfer olunub.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”