Macarıstanın paytaxtı Budapeştdə təşkil olunan futzal üzrə Avropa çempionatında ilk sensasiya qeydə alınıb. Apasport.az saytının Budapeştə ezam olunmuş xüsusi müxbirinin məlumatına görə, D qrupunda baş tutan Belarus - Portuqaliya matçı əksəriyyətinin gözləmədiyi halda heç-heçə nəticələnib - 5:5. Halbuki oyunun gedişində 0:2 hesabı ilə geri düşən belaruslular ardıcıl 4 qol vurublar.

Lakin bu üstünlüyü qorumaq müşkül məsələyə çevrilib. Portuqaliya yığması tezliklə hesabı öz xeyrinə dəyişib (5:4). Maraqlıdır ki, Belarus milli komandası görüşün bitməsinə cəmi bir saniyə qalmış Aleksey Popovun qolu sayəsində məğlubiyyətdən yaxa qurtara bilib.

Xatırladaq ki, Azərbaycan yığması ötən il məhz Portuqaliya ilə 3:3 hesablı heç-heçədən sonra Avropa çempionatının final mərhələsinə vəsiqə qazanmışdı.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”