Bu gün futzal üzrə Azərbaycan milli komandası Macarıstanda keçirilən Avropa çempionatının 1/4 final oyununun hazırlığına başlayıb. Apasport.az saytının Budapeştə ezam olunmuş xüsusi müxbirinin məlumatına görə, yığmamız “Papp Laslo” İdman Sarayında təxminən saatyarımlıq məşq ediblər. Baş məşqçi Joze Alesio da Silva əsasən taktiki hazırlığa fikir verib. Buna görə də məşqin yalnız bir neçə dəqiqəsi isinmə hərəkətlərinə sərf olunub. Qalan vaxtda isə ikitərəfli görüş keçirilib, müxtəlif taktikalar sınaqdan çıxarılıb.

Qeyd edək ki, milli komandamız 1/4 final oyununu yanvarın 25-də Budapeştin “Papp Laslo” İdman Sarayında ya İtaliya, ya da Ukraynaya qarşı keçirəcək.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”