Dünyada ən məşhur derbilərdən sayılan “İnter” – “Milan” oyunu bir azarkeşin həyatına son qoyub. Apasport.az saytının məlumatına görə, İtaliya A seriyasının son turu çərçivəsində dünən “San-Siro” stadionunda keçirilən oyunda tribunalarda yer alan 51 yaşlı tərəfdar ürək tutmasından dünyasını dəyişib. O, özünü pis hiss edən kimi xəstəxanaya çatdırılsa da, həyatını xilas etmək mümkün olmayıb.

Ölən azarkeşin adı açıqlanmır. Məlum olan yalnız Çezano Maderno şəhərində yaşamasıdır. Mərhumun “İnter, yaxud “Milan”ın azarkeşinin olması da dəqiq bilinmir. Məsələ ondadır ki, onun oturduğu tribunada hər iki komandanın azarkeşləri yerləşə bilərdi. Hər halda, onun prinsipial görüşdə 0:2 hesabı ilə uduzan “Milan”ın fanatı olduğunu, sevimli komandasının acı məğlubiyyətinə dözmədiyini ehtimal etmək olar.

• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”