İspaniyanın “Real” klubunun və Braziliya millisinin futbolçusu Kaka karyerasının sonunadək qasıq zədəsi ilə oynayacaq. Lent.az-ın “Marca”ya istinadən verdiyi məlumata görə, zədənin təzələnməsindən yayınmaq üçün Kaka hər gün müalicə prosedurlarından keçməli və xüsusi çalışmalar yerinə yetirməlidir.

“Sambaçı” 2009-cu il noyabrın 29-da “Barselona” ilə İspaniya çempionatının oyunu zamanı meydançanı qasıq zədəsi ilə əlaqədar tərk edib. Yarımmüdafiəçi 1 ayadək futboldan kənarda qalıb. Onun əməliyyat etməyən həkimlər konservativ müalicə məsləhət görüblər.

Qeyd edək ki, Kaka 2009-2010-cu il mövsümündə İspaniya çempionatında 16 oyun keçirib və 3 qol vurub. 20 oyundan sonra 47 xal toplayan “Real” hazırda turnir cədvəlinin ikinci pilləsində qərarlaşıb. “Kral klubu” lider “Barselona”dan 5 xal geri qalır.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”