15 yaşadək futbolçulardan ibarət Azərbaycan milli komandası növbəti yoxlama oyununu keçirib. Apasport.az-ın AFFA-nın rəsmi internet saytına istinadən məlumatına görə, Oliver Pelzerin yetirmələri təlim-məşq toplanışında olduqları Almaniyanın Duysburq şəhərinin eyni adlı təmsilçisinin ilə görüşüb. Alman həmyaşıdları ilə qarşılaşmada yığmamız böyük hesablı qələbə qazanıb – 3:0. Komandamızın qollarını Adil Nəbiyev, Mənsur Nəhavəndi və Qurbanəli Əliyev vurublar. U-15-in zəfərinə oyunu izləyənlər arasında olan AFFA-nın baş katibi Elxan Məmmədov və Azərbaycan milli komandasının baş məşqçisi Berti Foqts da şahid olub.

Qeyd edək ki, millimiz yanvarın 4-dən Almaniya toplanışındadır.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”