Londonun “Çelsi” və Fransanın “Lans” klubları yarımmüdafiəçi Qael Kakuta ilə bağlı fikir ayrılığını yoluna qoyublar. Lent.az-ın “korrespondent.net” saytına istinadən verdiyi məlumata görə, “Çelsi” Qael Kakutanın transferi məsələsində “Lans” klubu ilə razılığa gəlib.

Qeyd edək ki, 2007-ci ildə Qael Kakutan “Çelsi” klubuna keçdiyi üçün “Lans” FİFA-ya şikayət edib. “Çelsi” “Lans”la müqaviləsi olan futbolçunu yoldan çıxarmaqda günahlandırılıb. 2009-cu ilin sentyabrında FİFA qərar verib və 1 il ərzində (2 mövsüm) “Çelsi”yə futbolçu transfer etməyi qadağan edib.

Arbitraj məhkəməsinə üz tutan “Çelsi” bəyan edib ki, həmin vaxt Qael Kakutanın “Lans”la qüvvədə olan müqaviləsi olmayıb, buna görə də onunla müqavilə imzalayıblar.

Fransız klubu şikayətini geri götürüb və məsələ yoluna qoyulub.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”