Türkiyə yığmasının və “Qalatasaray”ın yarımmüdafiəçisi Arda Turan sevgilisi, aktrisa Sinem Kobal üçün gözlənilməz addım atıb. Apasport.az saytının məlumatına görə, 23 yaşlı futbolçu Kobalın çəkildiyi “Romantik komediya” filmini izləməyin unikal yolunu tapıb.

Arda “Romantik komediya” filminin seansına üzrlü səbəbdən baxa bilməyib. İstanbula qayıtdıqdan sonra o, sevgilisinin könlünü almaq üçün Bakırköyə yollanıb. Turan orada 140 nəfərlik kinoteatrı bağlatdıraraq, “Romantik komediya”nı Sinemlə ikilikdə izləyib.

Kinoteatrdan çıxarkən, onlar jurnalistlərin əhatəsinə düşüblər. KİV nümayəndələrindən birinin “Bərabərliyiniz necə gedir” sualına Arda zarafatla cavab verib. O, “Fənərbaxça” və “Diyarbakırspor” arasındakı 1:1 hesablı oyuna işarə vuraraq, belə söyləyib: “Fənərbaxça”nın bərabərliyini deyirsiniz?”

• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi