Yanvarın 10-da “Kyevo” ilə oyundan sonra götürülən dopinq testindən keçə bilməyən “Fiorentina”nın hücumçusu Adrian Mutu daha bir zərbə alıb. Apasport.az saytının xəbərinə görə, qeyri-müəyyən müddətə cəzalandırılan 31 yaşlı rumıniyalı futbolçu ÇL-də də komandasına kömək edə bilməyəcək.

UEFA bununla bağlı bəyanat yayıb: “Mutu ÇL-nin 1/8 final mərhələsinin “Bavariya” ilə keçiriləcək hər iki qarşılaşmasında iştirak edə bilməyəcək. Bizim müvafiq qərarımız FİFA-nın Nizam-İntizam Komitəsinin mövqeyini tam əks etdirir. Yekun nəticə bilinməyincə Mutu yaşıl meydanlara çıxa bilməyəcək”.

Bu səbəbdən “Fiorentina”nın rəhbərliyi ÇL-nin iştirak ərizəsinə Mutunun əvəzinə “Barselona”dan icarəyə götürdüyü Keyrrisonun adını salıblar.

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"