Azərbaycan yığmasının sabiq futbolçusu Emin Ağayevin şərəfini qoruduğu Rusiyanın “Volqa” klubu növbəti oyununu keçirib. Apasport.az saytının məlumatına görə, 37 yaşlı müdafiəçinin komandası “Maşuk-KMV” ilə yoxlama görüşündə qüvvəsini sınayıb.

Ağayevin kapitanı olduğu Tver təmsilçisi Kislovodsk şəhərində təşkil olunan təlim-məşq toplanışı çərçivəsində baş tutan oyundan qolsuz heç-heçə ilə ayrılıb. Start heyətində meydana çıxıb əvəzolunmadan meydanda olan Emin qarşılaşmanın antiqəhrəmanına çevrilməyə yaxın olub. Belə ki, məhz onun qayda pozuntusundan sonra “Volqa”nın qapısına penalti təyin olunub. Lakin tverlilərin qapıçısı zərbəni dəf etməklə, həm komandasını xilas edib, həm də Ağayevin səhvini sığortalayıb.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi