Futzal üzrə Azərbaycan milli komandasının bu ilin martına planlaşdırılan Braziliya ilə yoldaşlıq görüşü baş tutmayacaq. Bunu apasport.az saytına AFFA-nın baş katibi Elxan Məmmədov deyib. Assosiasiya rəsmisi bildirib ki, futzal yığmamız üçün hazırlanan 6 aylıq plan-təqvimdə braziliyalılarla matç yer almayıb.

“Futzal üzrə milli komandamız üçün 6 aylıq hazırlıq planı üzərində işləyirik. Lakin orada Braziliya yığması ilə görüş yoxdur. Yəni, yaya qədər braziliyalılarla yoldaşlıq oyunu keçirməyəcəyimiz dəqiqdir. Ola bilsin ki, ilin ikinci yarısında qarşı tərəflə razılıq əldə etdik” - deyə Məmmədov vurğulayıb.

Qeyd edək ki, yığmamızın Braziliyada yerli komanda ilə yoldaşlıq görüşünün Avropa çempionatından sonra, UEFA Kuboku “Dördlər finalı”ndan isə öncə, başqa sözlə martda keçiriləcəyi gözlənilirdi.

• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi
• Paraqvay rəqibini gözləyir - Fransa və ya İsveç