Yevlaxın “Karvan” klubunun futbolçusu Xaqani Məmmədov Azərbaycan çempionatlarının tarixinə düşüb. Apasport.az saytının hesablamalarına görə, 34 yaşlı hücumçu Unibank Premyer Liqasının XXI turu çərçivəsində bu gün evdə “Bakı” klubunun qapısına yol tapmaqla, çempionatlar tarixində yubiley – 100-cü qolunu vurub.

Bununla da, Xaqani 100 səddini aşan 8-ci futbolçuya çevrilib. 2009/10 mövsümünə qədər çempionatda 95 dəfə fərqlənən Məmmədov birinci dövrədə “İnter”in heyətində meydana çıxmadığından, bu göstəricini yaxşılaşdıra bilməmişdi. Qış fasiləsində “Karvan”a icarəyə verilən təcrübəli hücumçu meydana çıxdığı 4 görüşdə 5-ci qolunu vuraraq, əlamətdar hadisəni gerçəkləşdirib.

Qeyd edək ki, Nazim Əliyevin başçılıq etdiyi bombardirlər siyahısında yer alan digər 7 futbolçunun hamısı artıq karyerasını bitirib.

yer	futbolçu	qol	oyun	Orta məhsuldarlıq
1	Nazim Əliyev	183	236	0,77
2	Müşfiq Hüseynov	125	305	0,40
3	Rövşən Əhmədov	116	290	0,40
4	Qurban Qurbanov	115	161	0,71
5	Samir Ələkbərov	115	170	0,67
6	Alay Bəhramov	108	243	0,44
7	Vadim Vasilyev	102	271	0,37
8	Xaqani Məmmədov	100	258	0,39

• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi
• Paraqvay rəqibini gözləyir - Fransa və ya İsveç