“Meydançanın pis vəziyyətdə olması bu gün hər iki komandaya yaxşı oyun, futbolçulara ustalıq səviyyələrini göstərməyə imkan vermədi”. Apasport.az saytının məlumatına görə, bu sözləri Bakının “İnter” klubunun baş məşqçisi Kaxaber Sxadadze deyib.

Unibank Premyer Liqasının XXI turu çərçivəsində bu gün Ağdamın “Qarabağ” klubunun qonağı olan “İnter” növbəti xalını (1:1) qazanmaqla, çempionatın ilkin mərhələsini lider kimi başa vurdu. Bundan razı qalan Sxadadze meydançanın vəziyyəti və hakimlikdən narazı qalıb: “Bizim kimi iddialı komandalar belə meydançalarda oynamamalıdır. Baş hakim oyunun ipini əldən buraxmışdı. Nəticədə oyun istənilən səviyyədə keçmədi, meydanda futbolçular arasında qarşıdurmalar yaranırdı. Ancaq futbolçularım həm fiziki, həm də psixoloji təzyiqlərə tab gətirə bildilər. Bu, məni sevindirir. Onlardan razı qaldım”.

Qeyd edək ki, oyunu FİFA referisi Vüsal Əliyevin başçılıq etdiyi hakimlər briqadası idarə edirdi.

• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi
• Paraqvay rəqibini gözləyir - Fransa və ya İsveç