Rusiya Premyer Liqasında son iki mövsümün qalibi olan “Rubin” klubu “Neftçi”nin prezidenti Sadıq Sadıqova rəsmi dəvət göndərib. “Neftçi”nin Mətbuat və İctimaiyyətlə Əlaqələr Departamentindən apasport.az saytına verilən məlumata görə, Sadıqovu Rusiyaya dəvət etməkdə məqsəd iki klub arasında əməkdaşlıq perspektivlərini müzakirə etməkdir. “Neftçi”nin prezidenti səfər çərçivəsində həmçinin “Rubin”in infrastrukturu, komandanın hazırlıq prosesi ilə yaxından tanış olacaq. Səfərin vaxtı hər iki klubun rəhbərliyi arasında razılaşdırılacaq.

“Rubin”in fevralın 13-də avtomobil qəzası nəticəsində faciəvi şəkildə dünyasını dəyişən “Neftçi”nin əməkdaşları - Vahid Həmidov və Alim Məmmədovun ölümü ilə bağlı “ağ-qaralar”ın rəhbərliyinə dərin hüznlə başsağlığı verib.

Qeyd edək ki, ikiqat Rusiya çempionu “Neftçi”nin və mili komandamızı 18 yaşlı yarımmüdafiəçi Araz Abdullayevi baxışdan keçirdikdən sonra onunla müqavilə bağlamağı qərara alıb.

• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI