Bakının “Olimpik-Şüvəlan” klubunun futbolçusu Sergey Laşenkovun kimə oyun satdığı müəyyənləşib. Apasport.az saytının məlumatına görə, 2007/08 mövsümündə Ukraynanın “Karpatı” komandasının şərəfini qoruduğu vaxt “Metallist”lə görüşü satmaqda günahlandırılan müdafiəçi ilə əlbir olanların da adları açıqlanıb. Ukrayna Futbol Federasiyasının Ədalətli Oyun Komitəsinin sədri Yevgeni Koçetov aparılan araşdırmaların nəticələri haqda məlumat verib.

Onun sözlərinə görə, Laşenkovun oyunun satılması haqda “Karpatı”nın prezidenti Pyotr Dıminski ilə söhbəti olan videolenti onlara Premyer Liqanın baş direktoru, həmin vaxt “Karpatı”da eyni vəzifəni tutan Aleksandr Yefremov təqdim edib. Həmin kadrlarda Laşenkov onları alan “Metallist” funksionerinin də adını çəkib. Həmin adam artıq izahat da verib. Onun adını açıqlamayan Koçetov Laşenkovun oyunu tək satmadığını bildirib. Federasiya rəsmisinin fikrincə, bu, Lvov təmsilçisinin digər müdafiəçisi Vladimir Fedorivdir: “Məhz o, Sergeylə əlbir olub oyunu satıblar. Çünki xarkovluların onların ikisi ilə əlaqələri olub”.

Qeyd edək ki, Laşenkov hələ də oyun satdığını təkzib edir.

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu